Նորություններ

Մարդու իրավունքների եվրոպական դատարանը ընդունեց վերջնական որոշում Գուրգեն Մարգարյանի սպանության գործով, ՄԻԵԴ-ն իր որոշմամբ հաստատեց, որ Գուրգեն Մարգարյանի սպանությունը կատարվել է ազգային պատկանելիության ատելության հողի վրա։ ՄԻԵԴ-ը Ադրբեջանից պահանջել է պատժել հերոսացված մարդասպանին և դադարեցնել հայերի դեմ ռասիստական գործողությունները։

Այս տարվա մայիսին ՄԻԵԴ-ը <<Մակուչյանը և Մինասյանը ընդդեմ Ադրբեջանի և Հունգարիայի>> գործով հրապարակել էր որոշում համաձայն որի Ադրբեջանը ճանաչվել էր մեղավոր Մարդու իրավունքների եվրոպական կոնվենցիայի երկրորդ (կյանքի իրավունք) և 14-րդ (խտրականության արգելք) հոդվածների խախտման մեջ և ՄԻԵԴ-ը պարտավորեցրել է Ադրբեջանին վճարել   15 143 ֆունտ ստերլինգ, որպես դատական ծախս տուժող կողմին։  

Այսպիսով, ՄԻԵԴ-ի 2020 թվականի հոկտեմբերի 12-ի որոշմամբ ՄԻԵԴ-ի <<Մակուչյանը և Մինասյանը ընդդեմ Ադրբեջանի և Հունգարիայի>>  գործով 2020 թվականի մայիսի 26-ի որոշումը այլևս բողոքարկման ենթակա չէ։