Նորություններ

Օգոստոսի 2-ից, որքան հնարավորություն ունեմ հետևում եմ ԱԺ նիստերին, այն ինչ կատարվում է նիստերի ժամանակ, մեղմ ասած զայրույթ է առաջացնում։ Միթե Օրենսդիր իշխանության ներկայացուցիչները չեն հասկանում, որ իրենց հետևում է ողջ հայ ժողովուրդը, ինչպես բուն Հայաստանում, այնպես էլ Սփյուռքում։ «Ընդդիմադիր» պատգամավորներն ուղղակի փողոցային վարքագիծը տեղափոխել են ԱԺ և կարծես թե մեկը մյուսի հետ մրցում է, թե ով ավելի բարձր կբղավի, ով ավելի շատ կվիրավորի իշխանությանը։ Միայն հնչում են փոխադարձ քաղաքական մեղադրանքներ և անձնական վիրավորանքներ։ Հարգելի պատգամավորներ, միթե չեք հասկանում, որ ձեր այդ ելույթները լսում է նաև հակառակորդը։ Չէ որ կան հարցեր, որոնք պետք է ենթարկվեն միայն փակ քննարկման, ձեր այդ պահվածքով դուք հարվածում եք մեր անվտանգությանը։ ՀՀ-ը կանգնած է բազմաթիվ մարտահրավերների առաջ, փոխանակ ներքին տարաձայնությունները մի կողմ դնեք և համախմբվեք ու ելքեր գտնեք  այս ծանր կացությունից դուրս գալու համար, դուք «ընդդիմադիրներդ» մի նպատակ եք հետապնդում՝ զավթել իշխանությունը, որը չեք էլ թաքցնում։ Հասկացեք ձեր վարքագիծը միայն արհամարհանք և սրտխառնոց է առաջացնում  և վստահ եղեք, եթե այդպես շարունակեք հաջորդ ընտրություններին հաստատ խորհրդարան չեք անցնի, որովհետև պարզ երևում է, որ ձեր ախորժակը շատ մեծ է եղել և հիմա չեք կարող համակերպվել իրականության հետ։ Մի բան էլ, ինձ համար շատ տարօրինակ է և անընդունելի, որ պատգամավորը, որը պատգամավորի երդում չի տվել,  կարող է փոխխոսնակ դառնալ, ես որպես ՀՀ քաղաքացի վիրավորված եմ այս փաստից։  Ընդդիմությունը այդ, որ արժանիքների համար առաջադրեց ԱԺ փոխխոսնակ հենց  Ի. Սաղաթելյանի թեկնածությունը, չէ որ իրենց շարքում կային ավելի արժանի և ընդունելի պատգամավորներ։   

Հարգելի «ընդդիմադիրներ», այո խորհրդարանում պետք է լինի ընդդիմություն, սակայն այն պետք է լինի կառուցողական, քննադատությունը պետք է լինի առողջ և ոչ թե իրականության խեղաթյուրում։ Ժողովուրդը հոգնել է այդ գզվռտոցից, գործ արեք վերջապես, դուք դրա համար եք այդտեղ և դրա համար եք վարձատրվում։