Նորություններ

Կիշա Վինսթոնի կողմից 17.08.2020  թվականի Նյու Յորքի ֆեդերալ  դատարան հայց է ներկայացվել ընդդեմ Dietz & Watson ընկերության, որը պատրաստում է ծխեցված Gouda պանիր։  Հայցվորը նշել է, որ  Dietz & Watson ընկերության ապխտած Gouda պանիրը մակնշումը թերի է, ընկերությունը չի  նշում թե ինչ բաղադրիչներով են ապահովում պանրի ծխեցված համը։ Համաձայն Հայցվորի դիրքորոշման յուրաքանչյուր իրեն հարգող սպառող պետք է տեղեկացված լինի ծխեցված պանրի բոլոր բաղադրիչների կազմից, իսկ ընկերությունը որևէ տեղեկատվություն չի մակնշում ծխեցված  համի ստացման բաղադրիչների և պայմանների մասին։ Հայցվորը գտնում է, որ եթե ընկերությունը արտադրում է ծխեցված պանիր, որը համարվում է բավականին թանկ դելիկատես,  պարտավոր է նշել ծխեցված համի ստացման բաղադրիչը,  ոչ թե միայն նշի, որ պանիրը ծխահարվում է բնական ծխով։ 

ՀՀ օրենսդրությամբ նույնպես նախատեսված է սննդամթերքի բաղադրիչների մակնշում, որը պետք է լինի հայերեն և ռուսերեն լեզուներով: Սննդամթերքի մակնշումը պետք է պարունակի հետևյալ տեղեկատվությունը՝ արտադրանքի անվանումը,  բաղադրությունը, արտադրանքի քանակը, արտադրման ամսաթիվը, պիտանելիության ժամկետը, պահման պայմանները,  արտադրողի անվանումը, իրավաբանական և գործունեության հասցեները, սննդամթերքի օգտագործման վերաբերյալ ցուցումները և/կամ սահմանափակումները` եթե այդպիսիք կան, սննդային արժեքի ցուցանիշները, սննդամթերքում գենետիկորեն ձևափոխված օրգանիզմների օգտագործմամբ ստացված բաղադրիչների առկայության մասին տվյալները։ Կախված ապրանքի տեսակից նախատեսվում է լրացուցիչ տեղեկատվություն, օրինակ` պանրի դեպքում պետք է մակնշվի յուղի զանգվածային մասը չոր նյութում տոկոսով, պանրի մակարդի տեսակը, կաթ մակարդող ֆերմենտի ծագման բնույթը։

Ի դեպ, այսօր Հայաստանում արտադրվում է շուրջ 25 տեսակ պանիր, որոնց մեջ  բացի տեղական տեսակներից  կան նաև արտասահմանյան, օրինակ՝ ֆետա, մոցարելլա, էդամ, գաուդա և այլն պանրի տեսակներ, որոնց մակնշման կարգը և պայմանները միջազգային չափորոշիչներին չեն համապատասխանում: