Նորություններ

Ծառայությունների մատուցման պայմանագրով կատարողը պարտավորվում է պատվիրատուի առաջադրանքով ծառայություններ մատուցել (կատարել որոշակի գործողություններ կամ իրականացնել որոշակի գործունեություն), իսկ պատվիրատուն պարտավորվում է վճարել այդ ծառայությունների համար: Ծառայությունների վճարովի մատուցման պայմանագրերը կիրառվում են կապի, բժշկական, անասնաբուժական, աուդիտորական, խորհրդատվական, տեղեկատվական, ուսուցման, զբոսաշրջության եւ այլ ծառայությունների մատուցման համար: Ծառայությունների վճարովի մատուցման պայմանագրերով պատվիրատուն պարտավոր է իրեն մատուցված ծառայությունների համար վճարել՝ պայմանագրում նշված ժամկետներում եւ կարգով:

Այսպիսով` ծառայությունների մատուցման պայմանագրով սահմանվում է կատարողի պարտականությունը՝ մատուցել պատվիրատուի առաջադրանքով որոշակի ծառայություններ և պատվիրատուի հիմնական պարտականությունն է վճարել իրեն մատուցված ծառայությունների համար, պայմանագրում նշված ժամկետներում և կարգով: Ընդ որում, միայն ծառայության պատշաճ մատուցման փաստի առկայության դեպքում եւ դրա դիմաց վճարումը կատարված լինելու պայմաններում է երկկողմանի պարտավորությունը համարվում պատշաճ կատարված եւ այդ հիմքով նաև դադարած:

Այս կայքի պայմանագրեր բաժնում կարող եք գտնել ծառայությունների վճարովի մատուցման պայմանագրի օրինակ։