Նորություններ

Այս տարի ևս հայ ժողովուրդը կնշի ցեղասպանության զոհերի հիշատակը, իհարկե, ակնկալելով, որ ԱՄՆ-ի նախագահը կարտաբերի վերջապես <<ցեղասպանություն>> բառը։ Մյուս կողմից դրանից հետո ինչ է փոխվելու, երբ Թուրքիան, այժմ նաև Ադրբեջանը շարունակում են ցեղասպանական իրենց քաղաքականությունը, հայը սպանվում, կացնահարվում, գլխատվում  է միայն ազգային և կրոնական պատկանելիության համար։ Աշխարհի մեծ խաղացողները դարձյալ իրենց աշխարհաքաղաքական շահերից ելնելով որոշ արձագանք են տալիս, իսկ հաճախ լռում են, մոռանալով հոլոքոստը վերապրած Նոբելյան մրցանակակիր Էլի Վիզելի խոսքերը․ «Ժխտել՝ նշանակում է սպանել զոհերին երկրորդ անգամ»: