Նորություններ

Եթե ամուսինները, այնուամենայնիվ, որոշել են ամուսնալուծվել, ապա համատեղ համաձայնության առկայության դեպքում ամուսնալուծությունը կարող է կատարվել ՔԿԱԳ մարմնում, որտեղ ամուսինների համատեղ դիմում են  ներկայացնում և մեկ ամիս անց, եթե ամուսինները չեն փոխել  ամուսնալուծվելու իրենց մտադրությունը գրանցվում է ամուսնալուծությունը՝ երկու ամուսինների ներկայությամբ կամ ամուսիններից մեկի պարտադիր ներկայությամբ և մյուսի սահմանված կարգով վավերացված համաձայնությամբ: Համաձայնության բացակայության դեպքում ամուսնալուծությունն իրականացվում է դատական կարգով, դատարանն իրավունք ունի կողմերին տրամադրել  մինչև 3 ամիս ժամկետ հաշտվելու համար, եթե ամուսինները չեն առարկում, իսկ եթե ամուսինները պնդում են ամուսնալուծվելու համար, ապա դատարանը ամուսնությունը  լուծում է, առանց հաշտության ժամկետի տրամադրման և ամուսնությունը դադարած է համարվում դատարանի վճիռը օրինական ուժի մեջ մտնելուց հետո։